Informazio gehiago
Urolako
Trena Maratoia 2026ko otsailaren 22an ospatuko da
lehen aldiz, eta Euskal Herriko lasterketa herrikoien egutegian hitzordu berezi
bihurtzeko asmoarekin jaio da.
2026an,
bere lehen edizioan, maratoi erdia distantzia (21,097 km) izango duen
lasterketa izango du lasterketa nagusia. Lasterketak, hasiera Zumarragan izango
du eta helmuga Azpeitiako Tren Museon bertan kokatuta egongo da. Ibilbidearen
zati handiena Urolako Bide Berdean barrena egingo da.
2027ko
edizioan, maratoi distantzia ere izango du (42,195 km), eta ibilbideari
izaera berezia ematen dion Urolako trenbide zaharra osotasunean
berreskuratuta dagoela aprobetxatuko da.
Nolanahi
ere, bi edizioetan, lasterketak trenaren historiaz eta natura paisaia
ikusgarriz inguratuta dagoen korrika-ibilbidea izango du.
2026.
urteko lasteketa nagusiaren ibilbidea, Zumarragan hasi eta Azpeitian amaituko
da, Urola ibaiaren ibilgua eta bailara jarraituz. Ibilbidea Urolako Bide
Berdean oinarrituta dago, trenbide zaharreko bidea egokitu baita gaur egun
oinezko, txirrindulari eta orain korrikalarientzat.
Urolako
Trenak 100 urte
Lasterketa
ospatuko den eguna, berezia izango da. Izan ere, Urolako trena inauguratu zela
100 urteko beteko dira egun berean eta ospakizun egun bat izan daiteke. Era
berean, bailara osoa lotzen zuen garraioa gogora ekartzeko aukera aparta izan
daiteke, bailarako ondare historikoa balioan jarri eta bisitariak eskura izango
dituen baliabideak ezagutzera emateko aukera ezin hobea izango delarik