Informazio gehiago
ATLETA GUZTIENTZAKO ARAUAK
LASTERKETARI BURUZKO INFORMAZIO GUZTIA HEMEN.
TXIPA EZARRIA DUEN DORTSALAREN JASOTZEA
Kronometrajea txiparen bidez egingo da. Txipa ezarria duen dortsala izen ematerako momentuan aukeratutako lekuan jaso ahal izango da, lasterketako aste berean:
** Donostiako ROBERS dendan (Larramendi 10):
- Asteazkena 8, osteguna 9 eta ostiralean 10, komertzio ordutegian: 10:00-13:00 / 16:00-20:00
** UPV/EHU-ko Kirol Zerbitzuan (irteeratik 80 m.tara):
- Larunbatean, lasterketa bezperan, 16:00etatik 20:00etara
- Igandean, lasterketa egunean, 8:00etatik 9:00etara.
Ezinbestekoa izango da NAN-a edo eta izen ematearen ziurtagiria aurkeztea.
UNIBERTSITARIOEN DORTSALA
Euskal Herriko Unibertsitateko (EHU) ikasleentzat bakarrik da. Kontutan hartu inskripzio hauek unibertsitateko kirol zerbitzuak baieztatuko dituela eta ez dela dortsalik emango bertako ikasle izan ezean.
** AZKEN ORDUKO SALMENTAK **
Edizio honetan EZ da dortsalik salduko lasterketaren asteburuan.
** ITZULKETAK **
Bi epe hauetan deuseztatu ahal izango da izen ematea:
* OTSAILAREN 1a BITARTE (barne): Izen ematearen kostea eta bi euro gutxiago gastuen kontzeptupean.
* OTSAILAREN 2tik MARTXOAREN 5era BITARTE (barne): Izen ematearen kostearen %50a.
Bi kasuetan carrera@donostiarrak.com -era bidali behar da emaila, bajaren eskariarekin, eta dagokion itzulketa egingo zaizu.
** Lasterketa bezperan ez dira itzulketarik burutuko.
*** GIPUZKOAKO ERREPIDEKO 10 KM-KO TXAPELKETA ***
Gipuzkoako Atletismo Federazioak eta DONOSTIARRAK Kirol Elkarteak 10 kilometroko ibilbidea duen Gipuzkoako Txapelketa ospatuko dute 2023ko martxoaren 12an, 10: 00etan.
Gipuzkoako lizentzia indarrean duten atleta guztiek parte hartu ahal izango dute, eta doan eman ahal izango dute izena ondoren adierazten direnak baino marka hobeak egiaztatzen dituzten atletek:
5.000m: 19.15 (emakumeak); 15.30 (gizonezkoak).
10.000 m (ibilbidea edo pista): 41.00 (emakumeak); 33.00 (gizonezkoak).
Maratoi erdia: 1: 29.30 (emakumeak); 1: 13.00 (gizonezkoak).
Atleta horiek mezu elektroniko bat bidali beharko dute Gipuzkoako Atletismo Federaziora (GAF), martzoaren 8a baino lehen, honako datu hauek adieraziz: izen-abizenak, lizentzia, kluba, marka eta egiaztatzen duten data eta lekua.
Gogoratu marka horiek zirkuitu ofizialetan eta homologatuetan egin behar direla 2021 edo 2022 denboraldietan.
Federazioak kode bat bidaliko dio atletari izen-ematea doan egin dezan.
Nolanahi ere, Gipuzkoako Txapelketan izena emateko, bai dohainik, bai ordainetan, derrigorrezkoa da RFEAren PSn (web plataforman) izena ematea. RFEAren PSn izena emateko epea martxoaren 8an amaituko da, 14: 00etan.
Gipuzkoako Txapelketan parte hartu nahi duten atletek, irteerak kontrolatzeko, nahitaez igaro beharko dute Dei Ganberatik (irteera lerroaren inguruan dagoena) 9:40 eta 9:55 bitartean.