Informazio gehiago
Ermuarrak gara, denak Artarrai Mendi Klubeko bazkideak, urte asko daramatzagunak Estatu osoan zehar mendi lasterketetan. Zaletasun horri esker, hamaika inguru natural, jende eta herri ezagutu ditugu, eta, ziurrenik, ez ginen inoiz joango lasterketa hauengatik izan ez balitz.
Orain, guk jarri nahi dugu erdigunean gure herria, gure ingurunea, eta horrekin inguruko herrietako jendea Ermura hurbildu ahal izatea lortu nahi dugu , kalitatezko ibilaldi eta lasterketa baten eskakizunari jarraituz, non herri osoa inplikatu nahi dugun, boluntario gisa, animazio postuekin elkarlanean.
Ekitaldi honek mendi martxa bat, lasterketa bat eta familia martxa bat izango ditu, 38km-ko lehenengo 2ak ibilbide batekin, gure inguruko hiru mendi esanguratsuenak, Urko, Oiz eta Egoarbitza, goratuz, mendizale askorentzat ezezaguna den edertasun handiko inguru batetik iraganez. Ermuko plazan hasi eta amaituko den ibilbidean zehar hornidura likidoak eta solidoak egiteko hainbat puntu izango ditugu.