Informazio gehiago
Triku Trail mendi lasterketa bat da eta aurten, zazpigarren edizioan, Triku Trail Kirol Elkarteak antolatuko du (IFK: G71316681 lkastola kalea 1, 31820 Etxarri Aranatz, Nafarroa), eta Nafarroako Mendi eta Eskalada Kirol Federazioak antolatzen duen Helvetia Seguros mendi lasterketen zirkuituan dago.
Aurreko edizioetan bezala, lasterketak 21 kilometroko distantzia izango du eta 2021eko ekainaren 27an egingo da (09:30ean).
Aurten, pandemiaren ondorioz, 200 + 50 parte-hartzaile egongo dira 200 parte-hartzaile On-line izena emateko www.kronoak.com) eta 50 parte-hartzaile Triku Trail Kirol Elkarteko kideentzat eta antolatzaileek hartutako konpromisoetarako (beharbada ez dira plaza horiek guztiak erabiliko).
ANTOLAKETA ETA PROTOKOLOAK
1.COVID 19 PROTOKOLOA
Protokolo hau izanen da Triku Trail lasterketaren VII. edizioaren oinarrizko erreglamentua. Protokolo honetan jasoa geratzen ez den aspektu, gertaera, arau… TRIKU TRAIL MENDI LASTERKETAREN ERREGLAMENTUAN oinarrituko da.
2. APARKALEKUAK
Triku Traileko antolakuntzak hiru aparkaleku egokituko ditu: Lehenengoa (P1) “Otxagabia Zerrategia eta Aroztegia” enpresak utzitako zelai bat izango da. Hau, Arangorrieta industrialdeko sarreran dago, bigarren aparkalekutik 200 metro eskasera. Bigarrena (P2) 1.800m2-ko orube bat da, mendirako sarbidea ematen duen errepidearen zuzengune hasieran, eta hirugarrena (P3 Autokarabanak eta furgonetak) 1.000 m2-koa, Etxarri Aranazko kanpinaren sarreraren ondoko orube batean.
3. ARAU OROKORRA
Irteeraren, sarbidearen, dortsalen eskura-emate, itxaronaldien, beroketaren, irteerako eremuko egonaldiaren eta abarren aurreko denbora guztian, PARTE-HARTZAILE GUZTIEK MUSUKOA JANTZITA ERAMAN BEHARKO DUTE.
4. INSKRIPZIOAK
Aurtengo edizioak 250 korrikalari izango ditu gehienez eta izena emateko hurrenkera kontuan hartuko da. Izen-emateak Internet bidez egingo dira, maiatzaren 24tik (20:00etatik aurrera) ekainaren 15era, www.kronoak.com webgunean edo dortsalak agortu arte (itxaron zerrenda irekiko da). Antolakuntzak dortsalak gordeko ditu bere konpromisoetarako.
Korrikalariek 15 € ordainduko dituzte. Inskripzioa ordaindu izanak proban parte hartzeko eskubidea emango du, eta erantzukizun zibileko eta istripuetako asegurua barne hartuko du. Inskripzioak ematen duen erantzukizun zibileko eta istripu-karrerako asegurua dortsalaren titularrentzat izango da.
Ekainaren 15eraino izen emateetan bajak onartuko dira. Kasu horretan ordaindutako dirua osorik itzuliko delarik. Antolakuntzak itxaron zerrenda bat zabalduko du. Data hortatik aurrera ez da inongo ez aldaketarik, ezta bajarik ere onartuko.
5. DORTSALAK EMATEA
Nafarroa mailako joan-etorriak eta pilaketak saihesteko, dortsalak emateko gune nagusia Iruñeko Tafalla kaleko 22. zenbakiko A4XKM denda izango da, ekainaren 21etik aurrera.
Denda horretan jasotzen ez diren dortsalak 2021eko ekainaren 25ean eta 26an banatuko dira kanpineko harreran, 18:00etatik 20:00etara eta lasterketaren egunean bertan, 2021eko ekainaren 27an, irteera aurreko gunean jarritako mahaietan, 08:00etatik 09:15era.
Nahitaezkoa da NAN edo federazio-txartela aurkeztea. Horrekin batera, Dokumentu honen lehen eranskina, “Osasun-adierazpena”, inprimatua eta egoki betea (dokumentu honen 1. Eranskina).
Bai hilaren 25eko eta 26ko dortsalak entregatzean, bai ekainaren 27koan, pilaketak saihesteko asmoz, dortsalak biltzeko hiru mahai izango dira (2 metroz bereizita), horrela, A4XKM dendan jaso ez diren dortsalak hiru bloketan banatuko ditugu. Triku Traileko boluntarioek dortsalen banaketa antolatuko dute.
6. BEROTZE-EREMUA
Korrikalariek beroketa-ariketak egin ditzaten, horretarako prestatutako gune batera joango dira. Gune horretara zuzenean iristen da autoen sarreratik 2. aparkalekura doan asfaltatutako bidetik, Baxate izeneko terminorantz. Eremu hori eta sarbidea behar bezala adierazita egongo dira. Eremu horretan daudenean, ez dira bertatik aterako irteera-deia egin arte.
Irteera kajoiak 09:10ean ireki eta 09:25ean itxiko dira. Behin kajoietan sartuta, ezin izango da bertatik irten.
7. IRTEERA KAJOIAK
Hiru kajoi-irteera mugatuko dira. Horietako bakoitzean 85 korrikalari jarriko dira. Kajoi bakoitzean kronometrajeko alfonbrarekiko hiru lerro perpendikular markatuko dira, horien artean 1,5 metroko tartearekin, eta lerro bakoitzean korrikalari bakoitza zein puntutan jarriko den markatuko da. Puntu horiek elkarrengandik 1,5 metroko distantziara egongo dira.
Ilustrazio orientagarria.
8. LASTERKETAREN ESPARRURA SARTZEKO EREMUAK
Eremu horiek publiko orokorrarengandik bereizita egongo dira, eta behar bezala akreditatutako pertsonak baino ezin izango dira egon bertan. Eremuak behar bezala mugatuta egongo dira honako hauetarako:
- Irteera aurreko eremua (deia, tenperatura hartzea eta materiala berrikustea).
- Irteera-eremua. (irteera gunea)
- Helmuga-eremua. (helmuga gunea)
- Helmuga-ondoko gunea.
9. AURRE-IRTEERA EREMUA
Triku Traileko antolakuntzak lasterketan parte hartzen duten guztiei [Korrikalariak, prestatzaileak, boluntarioak, sorosleak, laguntzaileak eta ekitaldian parte hartzen duten guztiak] 1. eta 2. eranskinetan zehaztutako "osasun-adierazpena" eskatuko die (zeina dokumentu honen azken orrialdeetan zehaztuta dagoen), osasun-sailak, hala badagokio, miaketa sakona egin ahal izan dezan.
Parte-hartzaile guztiei eremu bakoitzaren sarreran tenperatura hartuko zaie, eta gorputz-tenperatura 37,5 gradu Celsius baino handiagoa bada, parte-hartzailea isolamendu-gune batera pasatuko da, eta 5 minutu itxarongo dira bigarren tenperatura-hartze bat egiteko.
Bigarren tenperatura hartutakoan, 37,5 gradutik behera jaitsi bada, lasterketara sartu ahal izango da.
Aldiz, tenperatura, berriz ere, 37,5 gradutik gorakoa bada, korrikalaria lasterketatik kanpo geratuko da eta erkidegoko COVID-19aren (948 290 290) jarraipen-telefonoarekin harremanetan jarri beharko du, bere jarraibideak betetzeko.
Tenperatura hartzen ari diren erakundeko langileek, tenperatura hartzeko korrikalariengandik gertu egongo direnez, FFP2 maskara eta begi-babesa izan beharko dituzte, lurrunaren aurkako itxitura-betaurrekoekin.
10. IRTEERA-EREMUA
Aurreko urteetan irteera-eremua kanpinaren instalazioen barruan egon da, baina aurten irteera-eremua Etxarri Aranatzeko Udalaren jabetzako mendi mugatu batean jarriko dugu eta 2. aparkalekuko atetik sartuko da irteera-eremura.
Parte-hartzaileek, lasterketaren egunean dortsala jaso behar badute, dortsalak jasotzeko gunea helmuga arkuaren ondoan egongo da, eta dortsala jaso ondoren, eremua utzi eta berotze-gunean kokatu beharko dute.
Behin irteera emanda, musukoa nahitaez jarri beharko da antolakuntzak adierazitako punturaino: lasterketako lehen 200 metroak izango dira, irteerako arkuaren eta asfaltatutako pista utzi eta mendira sartzeko baso-pista baten gainean aurrera egiteko puntuaren artean. Puntu hori behar bezala seinalatuta egongo da.
Puntu horretatik igaro ondoren, parte-hartzaile guztiek musukoa beren ekipoan gorde beharko dute, ondoren honako kasu hauetan erabiltzeko:
- Helmugara iristean, arkua igaro ondoren.
- Lehiaketan zehar erretiratzen bada.
- Lasterketako ibilgailuren batean igotzen denean.
- Laguntza medikoa behar duenean.
11. LASTERKETAREN ORDUTEGIAK
Irteera 85 parte-hartzaileko hiru eremutan egingo da, eremutik eremura minutu bateko tartea izango dutelarik:
- Kajoia: 09:30ean 1. dortsaletik 85.era
- Kajoia: 09:31ean 86. dortsaletik 170. Dortsalera
- Kajoia: 09:32ean 171 dortsaletik 250era
Parte-hartzaileek segurtasun-distantzia egokia gordeko dute eremuen barruan dauden bitartean.
12. IBILBIDEA
Aurreko edizioekin alderatuta irteera eta helmuga kanpinaren kanpoaldera eramatean baino ez da aldatzen ibilbidea. Jendetzarik egon ez dadin, lasterketa ez da inoiz kanpineko instalazioetatik igaroko.
13. GOMENDIOAK LASTERKETAN ZEHAR
Kirolarien arteko segurtasun-tartea mantendu:
- Igoeretan: 5 metro.
- Jaitsieretan: 10 metro.
- Lautadetan: 10 metro.
Ez tu egin edo ez kendu mukiak beste pertsona batekiko gutxieneko distantzia gorde gabe.
Beste pertsona batzuekin kontaktu fisikoa ekidin.
Ezarritako araudi guztiak bete.
Korrikalari azkarragoak igarotzen lagundu egingo da; horretarako, aurreratu nahi duen korrikalariak, eremu zabala bada, alboz egingo du, abisua emanez eta 5 metro lehenago pasatzeko eskatuz. Bi korrikalariek pasatzeko maniobra erraztu behar dute, biak adi egonez. Pasatzen den korrikalariak maniobra hori abiaduraz egin beharko du.
Pasatzen zailak diren lekuetan ere, 5 metro lehenago abisatuko dira. Aurreratua izango den korrikalariak lagundu egin behar du: behar adina aldendu behar du, abiadura moteldu behar du, beharrezkoa bada gelditu egin behar du eta pasatzen den korrikalariari bizkarra eman behar dio; hau da, urruntzea bultzatu eta lortu behar du.
Bidezidor oso estuetan eta itxietan, posizioari eutsi behar zaio, aurreratzea egin daitekeen leku batera iritsi arte. Aurreratu nahi duen korrikalariarekiko distantziak 2,5 metrokoa izan behar du (mugimenduan 2 metrotik gorakoa izan behar du).
Aurreratua izango den korrikalariak galgatzea edo pasabidea eragoztea saihestuko du.
Taldeka korrika egitea saihestuko da, antzeko erritmoan joan daitezke, baina beti bata bestearengandik 2,5 metroko distantziarekin.
14. ANOA-PUNTUAK
Elikagaiak likidoak baino ez dira izango. Parte-hartzaile bakoitzak bere ontzia eramango du edateko, eta boluntarioek botila edo pitxer batekin beteko dute, parte-hartzailearekin kontakturik izan gabe.
Boluntarioek antolakuntzak emandako FPP2 maskara jantzita izango dute eta postu guztietan gel hidroalkoholikoa egongo da, eskuak behar bezala garbitzeko.
Hiru anoa-puntu ezarriko dira:
1. Auntzetxe aterpea, lasterketako 5. kilometroan.
2. Lizarrustiko mendatea, lasterketako 10. kilometroan.
3. Iraigorri parajea, lasterketako16. kilometroan.
Eremu horretan egon beharreko denbora, ahalik eta murritzena izango da.
Edaria eta fruta barruan dituen poltsa bat emango zaie korrikalariei helmugaratzean.
15. HELMUGA-GUNEA ETA HELMUGA-ONDORENA
Helmugara iristean, PARTE-HARTZAILE GUZTIEK MUSUKOA JANTZIKO DUTE. Jendea helmugako eremura sartzea mugatuko da, eremuak balizatuz, eta sarrera antolakuntzako pertsonei edo baimena dutenei bakarrik utziz. Korrikalariak ez dira gune honetan geldituko eta berehala helmugaren ondoko gunera igaroko dira, korrikalariak elkartzea saihestuz.
16. DUTXAK ETA KONTSIGNA
Triku Traileko antolatzaileek ez dute dutxarik ezta arropa gordetzeko kontsignarik ere jarriko.
17. SARI BANAKETA
Ez da sari-podiumik egongo. Sari banaketa jendetzarik gabeko leku ireki batean egingo da.
18. LASTERKETA ETETEA
Triku Traileko antolakuntzak lasterketa bertan behera utz dezake COVID-19aren kutsatze mailak lasterketa egiteko egokiak ez badira. Kasu honetan parte hartzaile guztiei dirua bueltatuko zaie.
19. ARAUAK
Triku Traileko antolatzaileek lasterketatik bota ahal izango dute arauak betetzen ez dituen korrikalaria.
Antolakuntzako arduradunek aukera izango dute probatik kentzeko kronometraje-kontroletarako ezarritako denboren aurreikuspenak betetzen ez dituzten korrikalariak, arauak hautsi dituena, markatutako ibilbidea bete ez duena, arauzko dortsala ondo ikusarazten ez duena, antolatzaileen oharrak betetzen ez dituena eta gainerako korrikalariekiko kirol-jarrera eskasa duena.
20. COVID-19 LASTERKETA ONDOREN
Triku Trailen antolakuntzak ez ditu COVID-19aren lasterketa ondorengo kutsatzeak bere gain hartuko.
21. PROTOKOLOAN ALDAKETAK
Triku Trailaren antolakuntzak, protokolo hau beharrezko jotzen duen momentuan aldatzeko eskubidea erreserbatzen du. Beti ere, agintari ofizialengandik etorriko diren dekretuekin bat eginaz.