Informazio gehiago
TRIKU TRAIL
mendi lasterketak 2026ko Ekainaren 28an bere XII. edizioa izango du. Mendia eta
mendian korrika egitea gustoko zuen lagun talde baten ilusio eta ametsak
zirenak, errealitate bihurtu ziren eta gaur egun Euskal Herriko mendi lasterketen
egutegian bere tokia egin du.
XX. mendean
Joxe Miel Barrandiaran antropologoak, Etxarri Aranatzeko basoan 8 dolmen edo
triku harri katalogatu zituen eta guztiak PR-NA 133 ibilbidean biltzen dira. Triku
Trail kirol elkarteak, ibilbide hori oinarri hartuta 21kmko eta 1300 metro
positibo desnibeleko ibilbidea prestatu zuen. Azken 2 edizioetan bigarren
lasterketa bat antolatu dugu, 10kmko eta 560 metro positiboko desnibeleko
ibilbidea. Bigarren honekin gazte eta ez hain gazte edo/eta mendi lasterketatan
hasi nahi dutenei aukera polit eta eroso bat eskaini nahi diegu.
Gure ibilbidea Euskal Herriko luze zabaleko lasterketen
artean bakarrenetarikoa izanen da ia osorik itzalpean dena. Hasi milurteko
hariztietan eta gorantz goazela pagadi ederrean barna xenda zoragarriak
zeharkatuz. Bakarra izanen da ere, gailurrik zapaltzen ez duena. Bai ala da! Ez
da halako edo besteko puntarino igotzen. Horrek ez du esan nahi, aldaparik ez
dituela. Etorri eta sufritu bezela, gozatuko dituzu ere!!
Gure lasterketa egun bateko ekimena baino gehiago
gozamenerako asteburu bat da. Etxarriko kanpinetik irten eta bertan du helmuga,
zein zerbitzu guztiak. Horrela bada, bertan ostatu hartu eta familia edo
lagunekin asteburu pasa eder batetaz gozatzeko aukera paregabea eskaintzen du
Triku Trailek. Kanpineko igerilekua, Haritz zaharren ibilbidea (SL NA 137) edo
inguruko herri eta basoak….. zer bisitatu badute Etxarrik eta inguruko herriek.
Aurtengo lasterketa EUSKAL HERRIKO MENDI LASTERKETEN
KOPArako puntuagarria izango da. Guretzat ohore handia da, Euskal Herriko
lurraldetasuna aintzat hartzen duen koparen parte izatea eta harro sentiarazten
gaituen bezala, ardura osoz jardungo gara.
Ekainaren 28a egun handia izango da eta bertaratzen den oro
etxera bueltan gozatua hartu eta itzultzeko gogoekin badoa, guretzat hori saririk
handiena izango da. Saiatuko gara hori horrela izan dadin eta helburu hori
ipar, dena emanen dugu.
Bertan elkar ikusiko dugulakoan, eman izena eta
entrenatzera!! EGURRE!!
